Bakı, 18 dekabr, AZƏRTAC
Kişi voleybolçular arasında Yüksək Liqanın III turuna yekun vurulub.
AZƏRTAC xəbər verir ki, son oyun günündə iki qarşılaşma keçirilib. ilk olaraq meydana “Xilasedici” və “Azərreyl” komandaları çıxıblar. Fövqaladə Hallar Nazirliyinin İdman Zalında reallaşan görüş ev sahiblərinin 3:1 hesablı qələbəsi ilə yekunlaşıb.
Günün son matçında isə “Gənclər” Sumqayıtda “Murov Az Terminal”ı qəbul edib. Qarşılaşma qonaqların 3:0 hesablı üstünlüyü ilə başa çatıb.
Qeyd edək ki, III turun dünən keçirilən ilk qarşılaşmasında “Neftçi” MOİK-i 3:0 hesabı ilə məğlub edib.
