Kremlin sözçüsü Dmitri Peskov paytaxt Moskvada rus komandiri İqor Kirillovun ölümü ilə nəticələnən partlayışın terror aktı olduğunu və bunu Kiyev rəhbərliyinin təşkil etdiyini bildirib.Peskov dünən paytaxt Moskvada Rusiya Silahlı Qüvvələrinin Radiasiya, Kimyəvi və Bioloji Müdafiə Qüvvələrinin komandanı general-leytenant İqor Kirillov və onun müavini İlya Polikarpovun ölümü ilə nəticələnən partlayışla bağlı jurnalistlərə açıqlama verib.Partlayışın terror aktı olduğunu vurğulayan Peskov, bunun Ukrayna rəhbərliyi tərəfindən təşkil edildiyinə diqqət çəkib. O terror aktını kimin sifariş etdiyini və təşkil etdiyini bildiklərini deyib: "Bu, Kiyev rəhbərliyinin terror idarəçiliyinə əl atdığını bir daha göstərir". Peskov Kiyev rəhbərliyinə qarşı mübarizəni davam etdirəcəklərini və bu məqsədlə Ukraynada xüsusi hərbi əməliyyatı davam etdirdiklərini bildirib.Mətbuat katibi Peskov Rusiya hüquq-mühafizə orqanlarının hadisəni araşdırmaq üçün fəal işlədiyini və istintaq prosesinin davam etdiyini bildirib.
