Çeçenistanın rəhbəri Ramzan Kadırov yeni doğulan uşaqlarına milli qəhrəmanların adını qoyan valideynlərin 500 min rubl alacağı aksiyaya göstəriş verib.
"Unikal" TASS-a istinadən xəbər verir ki, söhbət il sonunadək doğulan uşaqlardan gedir.
“Bu gündən doğulan və körpələrinə çeçen qəhrəmanlarının şərəfinə ad qoyan körpələrin valideynlərinin hər birinə 500 min rubl veriləcək”, - deyə o, yekun iclasdan sonra bildiribb.
Bundan əlavə, Kadırov rayon sakinlərini mühüm tarixi əşyaların toplanmasına köməklik göstərməyə və əllərində olan əşyaları rayon muzeylərinə bağışlamağa çağırıb. “Bu, nəinki tariximizi qoruyub saxlayacaq, həm də onu gələcək nəsillər üçün əlçatan edəcək”, - deyə respublika başçısı vurğulayıb.
