Məşhur Hollivud aktyoru Nikolas Keyc "Marvel"in qarşıdan gələn layihələrindən birində "Kabus yarışçı" ("Ghost rider" - "Conni Bleyz") roluna qayıdacaq.
hakimiyyet.az-ın "Patreon" nəşrinə istinadən xəbərinə görə, bu barədə insayder Daniel Rixtman məlumat verib.
Məlumata görə, Keyc qarşıdan gələn "Qisasçılar" və ya dördüncü "Hörümçək adam" filmində personajı canlandıracaq.
"Marvel" bu məlumatı rəsmi olaraq təsdiqləməyib. Lakin 2020-ci ildən bəri söz-söhbətlər yayılıb ki, studiya "Conni Bleyz" obrazının yer aldığı layihə üzərində işləyir. Lakin o zaman KİV yazırdı ki, "Marvel" aktyor Kianu Rivzlə layihədə çəkilməsi barədə danışıqlar aparır. Daha sonra aktyorun özü etiraf edib ki, uşaqlıqdan "Kabus yarışçı" olmaq arzusunda olub.
Qəhrəman haqqında ilk filmin premyerası 2007-ci ildə baş tutub, 2012-ci ildə isə davamı buraxılıb və filmlərdə Nikolas Keyc oynayıb.
Qeyd edək ki, oktyabrın sonunda rejissorlar Entoni və Cozef Russo yeni "Qisasçılar"ın buraxılış tarixini açıqlayıblar. Onların sözlərinə görə, komiks filminin çəkilişləri 2025-ci ilin yazında başlayacaq.
