Rusiyanın Murmansk vilayətində sərnişin və yük qatarları toqquşub.
Teleqraf.com xəbər verir ki, hadisə nəticəsində 2 nəfər həlak olub.
5-i uşaq olmaqla, daha 31 nəfər isə yaralanıb.
Onlardan 4-nün vəziyyətinin ağır olduğu bildirilib.
Qəza Murmansk-Sankt-Peterburq qatarının yük qatarı ilə toqquşması nəticəsində baş verib.
Rusiya Dəmir Yolları həlak olanların yaxınlarına 2 milyon 200 min rubl təzminat ödəniləcəyini açıqlayıb.
Hadisə ilə bağlı araşdırmalar davam edir.
Müəllif: Ceyhun Ağazadə
