“Neftçi”dən ayrılan Roman Qriqorçukun yeni iş yeri rəsmən açıqlanıb.
QOL.az xəbər verir ki, ukraynalı mütəxəssis ölkəsinin LNZ klubunu şalışdıracaq.
Bu barədə Premyer Liqa təmsilçisinin mətbuat xidməti məlumat yayıb. O, Çerkassi klubunda işə 2025-ci ilin yanvarında başlayacaq. Qriqorçuk bu vəzifədə ispaniyalı Andres Karraskonu əvəzləyib.
LNZ Ukrayna çempionatında 17 turdan sonra 19 xalla 16 komanda arasında 10-cu sıradadır.
Qeyd edək ki, 59 yaşlı ukraynalı mütəxəssisin son iş yeri bu ilin iyununda baş məşqçi təyin edildiyi "Neftçi" olub. Onun klubda fəaliyyəti cəmi 9 oyun çəkib. Qriqorçuk uğursuz nəticələrdən sonra istefaya göndərilib.
