2024-cü ilin yanvar-noyabr aylarında Azərbaycana dəyəri 151 milyon 558 min dollar həcmində 26 min 403 ton kərə yağı idxal edilib.
Şəkər ixracı kəskin artıb, əldə olunmuş gəlirlər isə - 1,7 DƏFƏ ARTIB
FED.az Dövlət Gömrük Komitəsinə istinadən xəbər verir ki, kərə yağının idxalı ötən ilin eyni dövrü ilə müqayisədə dəyər ifadəsində 68 milyon 53 min dollar və ya 81,5% artıb, miqdar ifadəsində isə 11 min 487 ton, başqa sözlə 77% artıb.
Xatırladaq ki, 2023-cü ilin ilk 11 ayında isə Azərbaycana 83 milyon 505 min dollar dəyərində 14 min 916 ton kərə yağı idxal edilmişdi.
Qeyd edək ki, bu ilin yanvar-noyabr aylarında idxal edilən kərə yağının 1 kiloqramının orta dəyəri 9 manat 76 qəpik olub. 2023-cü ilin eyni dövründə isə bu rəqəm 9 manat 52 qəpik idi. Bu da illik müqayisədə 24 qəpik və ya 2,5% artım deməkdir.
Bu il ümumi idxalın 0,81%-i kərə yağının payına düşüb.
