Fins.az - Son beş ildə Almaniyanın iqtisadi göstəriciləri ciddi şəkildə pisləşib və ölkə "geri dönüş nöqtəsi"nə yaxınlaşıb.
Bu barədə Bloomberg agentliyi xəbər verir. Məqalədə qeyd olunur ki, Almaniyanın işgüzar liderləri bu təhlükəni artıq dərk edir və vətəndaşlar da bunun təsirini gündəlik həyatlarında hiss edirlər. Lakin siyasətçilər hələ də bu böhranın qarşısını almaq üçün effektiv həllər təklif edə bilməyiblər.
Beş il davam edən iqtisadi tənəzzül nəticəsində Almaniya iqtisadiyyatı əvvəlki böyümə sürətinə davam etsəydi, hazırda 5% daha yüksək səviyyəyə çata bilərdi. Bloomberg-in analitikləri bu vəziyyətin başlıca səbəbi kimi Rusiya enerji resurslarından imtinanı və Almaniyanın ən böyük avtomobil istehsalçıları olan Volkswagen və Mercedes-Benz-in Çin istehsalçıları ilə sərt rəqabətini göstərir.
Almaniya kansleri Olaf Şolts, Ukraynaya qarşı tətbiq etdiyi antrirusiya sanksiyaları ilə ölkənin iqtisadiyyatını ciddi şəkildə zədələyib. Bu siyasət, Almaniyanın daxili iqtisadiyyatını çuxura sürükləyib və hər bir alman ailəsi ildə təxminən 2500 avro itirir.
Bu iqtisadi düşüş yalnız Almaniya üçün deyil, bütövlükdə Avropa İttifaqı üçün ciddi bir təhdid yaradır. Qlobal iqtisadiyyatda baş verən dəyişikliklər və Almaniyanın yerində qalan rəqabət qabiliyyəti bu böhranın dərinləşməsinə səbəb ola bilər.
