18 dekabr tarixində “Caspian Energy Club”un təşkilatçılığı ilə beynəlxalq “Caspian Business Award 2024” mükafatlandırma mərasimi keçirilib.
Bu mərasimdə “Caspian Event Organisers” (CEO) şirkəti “İlin sərgi təşkilatçısı” nominasiyası üzrə mükafata layiq görülmüşdür.
“Caspian Event Organisers” şirkəti Azərbaycanda və eləcə də, Xəzər regionunda keçirilən aparıcı beynəlxalq sərgi, konfrans və konqreslərin keçirilməsi üzrə ixtisaslaşmış təşkilatçı şirkətdir və 25 ildir ki, sərgi bazarında dayanıqlı fəaliyyət göstərir.
Şirkət tərəfindən keçirilən sərgilər hər il beynəlxalq arenada diqqət çəkir və xarici bazarlarda tanınır. Bu tədbirlərin əhəmiyyətini ölkə başçısı cənab İlham Əliyevin sərgiləri mütəmadi ziyarət etməsi də vurğulayır. Bu sərgilər artıq yerli milli brend kimi tanınır və dünyada keçirilən sərgilər arasında özünəməxsus yer tutur. Qeyd olunan sərgilərə “ADEX”, “Caspian Agro”, “Interfood Azerbaijan”, “Xəzər İnşaat Həftəsi” və digər mühüm tədbirlər aiddir.
“Caspian Event Organisers” şirkəti Caspian Energy Club-a bu mühüm mükafatın bir hissəsi olmaq fürsətinə görə, həmçinin CEO tərəfindən keçirilən sərgilərə göstərdikləri davamlı maraq və diqqət üçün xüsusi təşəkkürünü bildirir.
2025-ci ildə təşkil ediləcək sərgilərlə bağlı yenilənən məlumatları şirkətin rəsmi internet səhifəsindən (https://exhibitions.ceo.az/az/exhibitions-calendar) və sosial şəbəkə hesablarından əldə etmək mümkündür.
