İsrail ordusunun Qəzzanın şərqində yerləşən və yerindən edilən fələstinlilərin sığındığı Şaban ər-Rays məktəbinə hücumu nəticəsində 13 nəfər həyatını itirib, 30-dan çox şəxs yaralanıb.
Redaktor.az xəbər verir ki, Qəzzadakı Mülki Müdafiə İdarəsindən verilən açıqlamada İsrail qüvvələrinin məktəbi bombaladığı bildirilib.
Hücum zamanı ölənlərin arasında qadın və uşaqların olduğu qeyd edilib. Yaralıların da əksəriyyətini qadınlar və uşaqlar təşkil edir.
Hadisə bölgəsində xilasetmə işləri davam edir, ölənlərin sayının artacağı ehtimal olunur.
Seymur BƏNNAYEV
