...Çərşənbə günü, dekabrın 19-da Danimarka Ukraynaya yardım paketi üçün təxminən 281 milyon avro ayırıb.
SİA-nın məlumatına görə, bu Ukraynanın hava hücumundan müdafiəsini gücləndirmək üçün nəzərdə tutulub.Bu barədə Danimarka Müdafiə Nazirliyinin mətbuat xidməti məlumat yayıb.
Qeyd edilməlidir ki, bu, artıq Danimarkadan 23-cü yardım paketidir. Pul, xüsusilə, hava hücumundan müdafiəyə sərf olunacaq. Lakin bu məsələ ilə bağlı başqa təfərrüatlar verilmir. Həmçinin paketin bir hissəsi kimi Danimarka Ukrayna F-16 qırıcılarının istismarına maliyyə töhfəsi verir.
...Ukraynanın hazırda ən aktual ehtiyaclarından biri Rusiyanın hava hücumlarından müdafiə oluna bilməkdir. Buna görə də biz hava hücumundan müdafiəyə dəstəyin artırılmasına üstünlük vermişik.
Bunu Danimarkanın müdafiə naziri Troels Lund Poulsen vurğulayıb.
Əli Babayev
