Çinli qadın 8 saat telefonsuz qaldığına görə 1400 dollar qazanıb.
Xarici KİV-ə istinadən xəbər verilir ki, müsabiqə qadcetlərdən asılılığı nümayiş etdirmək məqsədi daşıyıb.
Müsabiqə iştirakçıları smartfon, planşet və ya hər hansı digər qadcetsiz 8 saat sərf etməli olduqları yataq yerləri ilə təmin olunublar. Şərtlərə görə iştirakçılar yata bilməsələr, onlara kitab oxumağa icazə verilib. Hər kəsin narahatlıq səviyyəsini ölçən bilərziyi olub.
Çoxları finala qalsa da, narahatlıq səviyyəsi minimum olan qadın qalib gəlib. O, gündəlik həyatda da qadcetlərdən tez-tez istifadə etmədiyinni bildirib. Buna səbəb isə, qadının təkbaşına uşaq böyütməsi və telefonla diqqətini yayındıra bilməyəcəyi ofisdə işləməsidir.
Mənbə: unikal.az
