Amerikalı reper Pi Diddi (əsl adı Şon Kombs) haqqında iki qadın zorlanma iddiası ilə məhkəməyə müraciət edib.
Qaynarinfo xəbər verir ki, bu barədə TMZ məlumat yayıb.
1991-ci il hadisəsi
İddiaçılardan biri bildirib ki, 1991-ci ilin dekabr ayında Kombs tərəfindən sponsorluğu edilən xeyriyyə basketbol tədbirində zorakılığa məruz qalıb. Qadının sözlərinə görə, Kombs ona qazlı su verib, lakin suya hansısa maddə qatılıbmış. İlk qurtumdan sonra qadının başı gicəllənib və hadisə yerini tərk etmək istəyib. Lakin reper ona mane olub, onu zorlayıb və baş verənləri heç kimə danışmaması üçün təhdid edib.
2006-cı il hadisəsi
Digər iddiaçı, Oklahomadan olan LaTroya Qreyson reperin təşkil etdiyi bir tədbirdə zorlanıb. Qreysonun sözlərinə görə, 2006-cı ildə qohumu radio müsabiqəsində qalib gəlib və Pi Diddinin təşkil etdiyi bir tədbirə dəvət olunub. Qadın tədbirə qohumu ilə qatılıb. İki kokteyldən sonra özünü pis hiss edən Qreyson gecənin qalan hissəsini xatırlamır, lakin səhəri xəstəxanada, cırılmış paltar, alt paltarı və pulları olmadan oyanıb.
Hücum edən şəxsin kim olduğunu bilmədiyini deyən qadın, evə döndükdən sonra naməlum bir şəxsdən zəng aldığını və reperlə məhkəmə çəkişməsinin mənasız olduğunu öyrənib.
Hüquqi vəziyyət və Pi Diddinin müdafiəsi
Kombsun vəkilləri bütün iddiaları rədd edir. 2024-cü il sentyabrın 17-də reper insan alveri, seksual istismar məqsədilə cinayətkar sövdələşmə və fahişəliyə köməkdə ittiham olunaraq həbs edilib. Polis onun evində seks-oyuncaqları, minlərlə uşaq yağı şüşəsi və qeydiyyatsız odlu silahlar aşkar edib.
Əgər Kombs cinayətkar sövdələşmədə təqsirli bilinərsə, ömürlük həbs cəzası ilə üzləşə bilər. Digər ittihamlar da uzunmüddətli həbs cəzaları nəzərdə tutur. Məhkəmə 2025-ci il mayın 5-də Nyu-Yorkda keçiriləcək.
Aydın
