1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İran öz əsginaslarından dörd sıfırı siləcək, ölkənin rəsmi pul vahidi olan rial tümənlə əvəz ediləcək.
Oxu.Az-ın "Mehr" dövlət agentliyinə istinadən xəbərinə görə, bu, respublika Prezidenti Məsud Pezeşkianın ölkə parlamentinə təqdim etdiyi maliyyə islahatları haqqında qanunda əksini tapıb.
Agentliyin məlumatına görə, bu qanun layihəsi Nazirlər Kabineti tərəfindən təklif edilib və hələ 2019-cu ilin yayında təsdiqlənib, lakin məhz indi Pezeşkian onu təcili şəkildə ölkə parlamentinə təqdim edib.
Qeyd edilir ki, islahatın məqsədi xroniki inflyasiya və valyutanın alıcılıq qabiliyyətinin aşağı olması, xüsusən də gündəlik tranzaksiyaların həcminin artması və milli valyutanın xarici valyutalara nisbətən mənfi imicinin yaranması ilə bağlı ortaya çıxan problemlərlə mübarizə aparmaqdır.
"Qanun layihəsinin mətnində deyilir ki, İranın milli valyutası tümən olacaq ki, bu da hazırda qüvvədə olan 10 min riala və 100 parseyə ekvivalent olacaq. Həmçinin, yeni sistemə keçidin asanlaşdırılması məqsədilə ikiillik dövr keçid dövrü kimi nəzərdən keçiriləcək ki, bu zaman ödəniş üçün həm tümən, həm də rialdan istifadə etmək mümkün olacaq", - deyə "Mehr" islahatın mahiyyətini açıqlayıb.
Hazırda İran rialı olduqca ucuz valyuta hesab edilir, belə ki, bir dollar üçün 420 min rialdan çox (İran Mərkəzi Bankının məzənnəsi ilə) ödəmək lazım gəlir, bazarda dolların qiyməti rekord həddə - 770 min riala çatıb. Bu da terminologiyada çətinliklərə səbəb olur: İran sakinləri məbləği ardıcıllıqla (on dəfə) azaltmağa və qiyməti tümənlərlə - 1979-cu il İslam İnqilabından əvvəl İranda istifadə edilən valyuta ilə adlandırmağa adət ediblər. Bəzən on dəfə azalma kifayət etmir və məbləğ daha üç miqyasda azaldılır, eyni zamanda, qiymətləndirmə vahidi eyni şəkildə tümən adlandırılır. Dörd sıfırın aradan qaldırılması hesablamaları asanlaşdırmalıdır.
