2023-2024-cü tədris ilində işə qəbul üzrə əvvəlki illərdə keçirilmiş müvafiq imtahan və müsahibələrdə uğur qazanan 60 nəfər təlim-tərbiyə işləri üzrə direktor müavini vəzifəsinə təyin olunub. Bu barədə SİA-ya Bakı Şəhəri üzrə Təhsil İdarəsindən məlumat verilib. Bildirilib ki, 14 nəfər məktəblərdə uşaqlarla məktəbdənkənar və sinifdənxaric tərbiyə işi üzrə təşkilatçı, 3 nəfər psixoloq, 33 nəfər laborant, 5 nəfər kitabxanaçı və kitabxana müdiri, 2 nəfər uşaq birliyi təşkilatı rəhbəri, 17 nəfər çağırışaqədərki hazırlıq rəhbəri və 6 nəfər təsərrüfat işləri üzrə direktor müavini 2024-cü il ərzində ərzində işə təyin edilib.
