Azərbaycan Mərkəzi Bankı (AMB) 1, 5, 10, 20 və 50 qəpiklik metal pul nişanlarına analoji olaraq 3 qəpiklik metal pul nişanının da yenilənməsini həyata keçirib.
AzNews.az bu barədə AMB-yə istinadən xəbər verir.
Məlumata görə, istehsal və yenilənmə prosesləri ötən il həyata keçirilmiş 3 qəpiklik pul nişanı mövcud ehtiyatlar və dövriyyənin tələbi nəzərə alınaraq tədavülə buraxılıb.
Yenilənmiş 3 qəpiklik metal pul nişanının arxa tərəfində yeni dizayn elementləri kimi Dövlət Gerbi, eləcə də pul nişanının istehsal ili əks olunub.
