1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Araz-Naxçıvan" futzal klubu müvəqqəti baş məşqçi, serbiyalı Predraq Rayiçlə yolları ayırıb.
Oxu.Az-ın "Report"a istinadən xəbərinə görə, bu barədə Naxçıvan təmsilçisinin vitse-prezidenti Mahmud Sadıqov məlumat verib.
O, yeni baş məşqçinin əcnəbi olacağını vurğulayıb:
"Predraq Rayiçlə yolları rəsmən ayırdıq. Son iki oyuna komandanı Ağakərim Həsənov müvəqqəti baş məşqçi kimi çıxardı. Yeni, əcnəbi baş məşqçi dəvət ediləcək. Hazırda MDB ölkəsindən olan bir mütəxəssislə danışıqlar aparırıq. Hələ ki, yekun qərar yoxdur".
Qeyd edək ki, "Araz-Naxçıvan" Yüksək Liqanın turnir cədvəlində 16 xalla 6 komanda arasında üçüncüdür.
