"Sevilya" "Qarabağ"ın hücumçusu Juninyonu transfer etmək üçün cəhdlərini edir.
İdman.biz Sportal.az-a istinadən xəbər verir ki, La Liqa klubu bu dəfə “Qarabağ”a müxtəlif bonuslar daxil olmaqla 5 milyon avroya yaxın üçüncü təklifini etməyə hazırlaşır.
“Vamos Mi Sevilla” portalının yazdığına görə, ispanlar braziliyalının transferinin “Valensiya” ilə matça (yanvarın 12-si) qədər reallaşmasına çalışır.
Juninyonun transferi hazırda “Sevilya” üçün prioritet məsələ olmaqda davam edir. Juninyo özü də hər gün klub rəhbərliyini onu buraxmağa razı salmağa çalışır. Çünki onun arzusu “Sevilya”da oynamaqdır.
İdman.biz
