Rusiyanın Voronej vilayətində “Mi-28 Gecə ovçusu” helikopteri qəzaya uğrayıb.
Yeniavaz.com xəbər verir ki, bu barədə ASTRA telegram kanalı bölgənin fövqəladə hallar xidmətindəki mənbələrə istinadən məlumat yayıb.
Hadisənin yanvarın 1-də saat 18:00 radələrində baş verdiyi iddia edilir. Helikopterin Kamenski rayonunda əkin sahəsində qəzaya uğrayaraq yandığı bildirilib.
“Helikopter cəbhə xəttindən 250 kilometr aralıda qəzaya uğrayıb. Qəzanın səbəbi bəlli deyil”, - məlumatda deyilir.
Qeyd edilib ki, Mi-28-in göyərtəsində iki ekipaj üzvü olub. Onlar həyatını itirib.
