Qazaxıstanın “Turan” klubunun serbiyalı mərkəz müdafiəçisi Marko Nikoliç bundan sonra “Səbail”in formasını geyinəcək.
Arena.az bu barədə paytaxt klubunun rəsmi saytına istinadən xəbər verir.
Xəbərdə bildirilir ki, “Səbail” 2025-ci ildə ilk transferini reallaşdırıb. Premyer Liqa təmsilçisi son olaraq, Qazaxıstan Premyer Liqasında mübarizə aparan “Turan”da çıxış etmiş mərkəz müdafiəçisi Marko Nikoliçi heyətinə qatıb. 26 yaşlı serbiyalı futbolçu ilə 1,5 illik müqavilə imzalanıb. Nikoliç yeni komandasında 4 nömrəli formanı geyinəcək.
Marko Nikoliç daha əvvəl Ukraynada “Arsenal” (Kiyev), Macarıstanda “Debretsen”, “Budafok”, Litvada “Riteryay”, Qazaxıstanda “Aksu”da forma geyinib. O, ölkəsində “Zemun”, “İndiya”, “Rad” kimi klubların da şərəfini qoruyub. Marko 2024-cü ilin mart ayında müqavilə bağladığı “Turan”ın heyətində 26 oyuna çıxıb, məhsuldar fəaliyyəti ilə diqqət çəkməyib.
