ABŞ-ın restoran şirkəti "Yum! Brands", Türkiyədə bütün KFC və Pizza Hut restoranlarını idarə edən "İş Gıda A.Ş" ilə françayzinq müqavilələrini ləğv etdiyini açıqlayıb.
Marja.az xəbər verir ki, Türkiyədə 283 KFC və 254 Pizza Hut restoranlarını əhatə edən xitam qərarını açıqlayan "Yum! Brands"ın bəyanatında, bu restoranların müvəqqəti bağlanmasının gözlənildiyi qeyd edilib.
Şirkət, ləğv edilmiş françayzinq müqavilələri çərçivəsində hüquqi əməliyyat başlatdıqlarını bildirib.
"Yum! Brands", Türkiyədəki fəaliyyəti ilə əlaqədar 2024-cü ilin dördüncü rübündə təxminən 60 milyon ABŞ dolları məbləğində vergi öncəsi xərclər gözləyir.
“Maliyyə narahatlığına görə tələsik verilən birtərəfli qərardır”
"İş Gıda" şirkəti "Yum! Brands"ın françayzinq müqavilələrinə xitam verməsi ilə bağlı açıqlama verib. Açıqlamada, maliyyə narahatlıqları səbəbiylə tələsik qiymətləndirmə nəticəsində verilən bu birtərəfli ləğv qərar ilə bağlı prosesin davam etdiyini bildirilib.
"İş Gıda" açıqlamasında aşağıdakıları qeyd edib:
"Yum! Brands"ın "İş Holding"in törəmə şirkəti "İş Gıda A.Ş. ilə" françayzinq müqaviləsinin ləğvi" ilə bağlı qərarı ilə bağlı bildiririk: Türkiyədə KFC və Pizza Hut restoranlarını işlədən "İş Gıda", 2020-ci ildə KFC, 2022-ci ildə Pizza Hut brendlərini qəbul edib və ilk 3 ildə 300 faizlik artımla restoranların ümumi sayını 537-yə çatdırıb.Təxminən 7 min işçisi olan "İş Gıda", 2023-cü ildə "Yum Brands Global" tərəfindən "Yum! Growth Partner" mükafatına layiq görülüb. Bütün KFC və Pizza Hut restoranlarımızın qlobal əməliyyat standartlarına uyğunluğu Yum tərəfindən müəyyən edilir. Markalar tərəfindən təsdiq edilmiş müstəqil auditor təşkilatları tərəfindən mütəmadi olaraq yoxlanılır və fəaliyyətimiz keyfiyyət standartlarına cavab verir. Bu birtərəfli ləğv qərarı ilə bağlı prosesin tələsik qəbul edildiyini ictimaiyyətə hörmətlə bildiririk. Maliyyə narahatlıqları səbəbiylə qiymətləndirmənin davam etdiyini elan edirik. Qeyd edək ki, hazırda bütün KFC və Pizza Hut restoranlarımız fəaliyyətini fasiləsiz davam etdirir".
