Bakı, 8 yanvar, AZƏRTAC
Minifutbol üzrə Azərbaycan millisinin üzvü Elvin Əlizadə Avropanın ən yaxşısı seçilib.
Bu barədə AZƏRTAC-a Azərbaycan Minifutbol Federasiyasının mətbuat xidmətindən məlumat verilib. Yığma üzvü minifutbol üzrə Avropada 2024-cü ilin ən yaxşı yarımmüdafiəçisi seçilib.
Xatırladaq ki, millimizin digər üzvü Vüsal İsayev ən yaxşı müdafiəçi nominasiyasında qalib olub. Hər iki oyunçu Azərbaycan çempionu “Birbaşa Bakı” komandasının üzvləridir.
