“Qəbələ” komandasının baş məşqçisi Elmar Baxşıyev istefa verib.
Yeniavaz.com komandanın rəsmi saytına istinadla xəbər verir ki, klub rəhbərliyi 44 yaşlı mütəxəssisin istefasını qəbul edib.
2015-ci ilin iyunundan “Qəbələ”nin əvəzedicilərinin məşqçisi, 2017-ci ilin iyulunda baş məşqçisi olan Baxşıyev 2018-ci ildən əsas komandaya keçib. 2019-cu ilin avqustunda baş məşqçi təyin olunan mütəxəssis bu müddətdə ümumilikdə 155 oyunda bu vəzifəni yerinə yetirib.
Komanda onun rəhbərliyi altında 52 qələbə qazanıb, 41 heç-heçə edib və 62 məğlubiyyət alıb. “Qəbələ” həmçinin, Baxşıyevin rəhbərliyi altında Azərbaycan kubokunun 2022-2023-cü illər mövsümünün qalibi olub.