Bakıda narkotik və psixotrop maddələrin qanunsuz dövriyyəsində təqsirləndirilən Elvin Mehrəliyevin cinayət işi üzrə məhkəmə istintaqı yekunlaşıb.
E-huquq.az-ın məlumatına görə, Bakı Ağır Cinayətlər Məhkəməsinin hakimi Əli Məmmədovun sədrliyi ilə keçirilən prosesdə prokuror Eldar Həmzə ittiham nitqi ilə çıxış edib.
Dövlət ittihamçısı məhkəmədən təqsirləndirilən şəxsin 7 il müddətinə azadlıqdan məhrum edilməsini istəyib.
Vəkil müdafiə çıxışı etdikdən sonra təqsirləndirilən şəxs son söz deyib.
Hökmü elan etmək üçün müşavirəyə gedən məhkəmə qayıtdıqdan sonra hökmü elan edib.
Hökmə əsasən, təqsirləndirilən şəxs Elvin Mehrəliyev 5 il 6 ay müddətinə azadlıqdan məhrum edilib.
Qeyd edək ki, ötən ilin iyununda paytaxtında Xətai rayonu Polis İdarəsinin əməkdaşları tərəfindən əməliyyat axtarış tədbirləri həyata keçirilib.
Elvin Mehrəliyev şübhəli şəxs qismində saxlanılıb. İdarəyə dəvət edilən Elvin Mehrəliyevin üstündən narkotik vasitə aşkar edilərək götürülüb.
Ona qarşı Cinayət Məcəlləsinin 234.4.3-cü (qanunsuz olaraq narkotik vasitələri, psixotrop maddələri əldə etmə, saxlama, daşıma, göndərmə və ya satma) maddələri ilə ittiham irəli sürülüb.
Orxan Rasifoğlu
