Trampın sosial şəbəkəsinin səhmləri kəskin şəkildə ucuzlaşıb
Xəbər verdiyimiz kimi, ABŞ-ın keçmiş prezidenti Donald Trampı porno ulduz Stormi Danielsə ödənişlər məsələsində bütün ittihamlar üzrə təqsirli bilməsindən sonra, onun şirkəti Trump Media & Technology Group-un idarə etdiyi Truth Social sosial şəbəkəsinin səhmləri premarketdə 10 faiz ucuzlaşıb. Bu barədə NASDAQ birjasının məlumatlarında qeyd edilir.
Minval.info yazır ki, səhmlər 47 dollara qədər düşüb. Trampın təqsirli bilinməsi həbs cəzası alacağı anlamına gəlmir. Biznesmen və siyasətçiyə hökm 11 iyulda, Respublikaçılar Partiyasının onu rəsmi olaraq prezidentliyə namizəd elan etməzdən dörd gün əvvəl veriləcək.
Bu halda, Tramp həbsxanaya düşsə belə, hipotetik olaraq seçkilərdə iştirak edə bilər, lakin Respublikaçılar Partiyası belə bir riski qəbul etməyəcək. Bu halda, onlar Trampın rəqiblərini namizəd kimi irəli sürə bilərlər. Rəqiblərindən bəziləri kampaniyalarını dayandırsa da, yarışdan çıxmayıblar. Məsələn, ABŞ-ın BMT-dəki keçmiş səfiri Nikki Heyli və Florida qubernatoru Ron DeSantis belə açıqlama verib. Bununla belə, hər ikisinin populyarlığı Trampdan xeyli aşağıdır.
Paşa Sadıqlı
Minval.info
