Son günlər Beyruta İsrailin mümkün hücumu ilə bağlı təhdidləri ehtiva edən diplomatik mesajlar gəlir.
Axar.az xəbər verir ki, bu barədə Hizbullaha yaxın Livanın “Əl-Əxbar” qəzeti məlumat yayıb.
Məlumata görə, dünyanın müxtəlif ölkələrindən olan əksər diplomatik nümayəndələr İsrail təhlükəsinin ciddiliyindən narahat olduqlarını bildiriblər:
“Ən ciddi xəbərdarlıq Britaniya tərəfdən gəlib. Bu da İsrailin iyunun ortalarında hücum edə biləcəyini göstərir. İngilislər də müddəti və miqyası məlum olmayan müharibəyə hazırlaşmağı məsləhət görüblər”.
