Fidan Hacıyevanın şagirdləri Zəfər Günü və Dövlət Bayrağı Günü şərəfinə konsert verdilər - VİDEO - FOTO

Beynəlxalq Muğam Mərkəzində Azərbaycanın Xalq artisti Fidan Hacıyevanın Vokal Musiqi Məktəbinin "Vətənim" adlı konserti keçirilib. Konsert 44 günlük Vətən müharibəsində Qələbə gününün üçüncü ildönümü və Dövlət Bayrağı Gününə həsr edilib.

Açılışda şəhidlərin xatirəsi bir dəqiqəlik sükutla yad edildi.

Azərbaycanın himni ilə açılan və əfsanəvi Müslüm Maqomayevin "Mavi əbədiyyət" kompozisiyası ilə başa çatan konsert proqramında vətənpərvər kompozisiyalar, Azərbaycan və dünya klassiklərinin əsərləri səsləndirilib. Konsert proqramında həmçinin Fidan Hacıyeva tərəfindən yaradılmış MEZZO
Uşaq Xoru və Mezzo qadın Kamera Orkestri, Fidan Hacıyevanın Vokal Musiqi Məktəbinin müəllimi, opera ifaçısı,Əməkdar artist Fərid Əliyev, Azərbaycan Milli Konservatoriyasının xalq artistinin şagirdləri iştirak ediblər.

Gənc istedadların çıxışları tamaşaçıların gülləri və alqışları ilə qarşılandı.

İnformasiya dəstəyi - Trend.Az. Day.Az. Milli.Az. Azernews.Az

Məqaləyə dair fotomateriallar: