"Sabah" mübarizəni dayandırdı - Konfrans Liqası

"Sabah" UEFA Konfrans Liqasının III təsnifat mərhələsinin cavab görüşündə İrlandiyanın "Sent-Patriks" klubu ilə qarşılaşıb.

Prosport.Az xəbər verir ki, Masazırdakı "Bank Respublika Arena"da baş tutan matçda meydan sahibləri 0:1 hesabı ilə uduzub.

Qarşılaşmada yeganə qolu 48-ci dəqiqədə Zakari Elbuzedi bakılıların qapısından keçirib.

Qeyd edək ki, İrlandiyada reallaşan ilk oyunda da məğlub olan (0:1) "Sabah" Konfrans Liqasında mübarizəni dayandırıb.