Bu il avqustun 1-nə Azərbaycanda vaxtı keçmiş kreditlərin məbləği 453,7 milyon manat təşkil edib.
"İki sahil” Azərbaycan Mərkəzi Bankına (AMB) istinadən xəbər verir ki, bu, iyunun 1-i ilə müqayisədə 0,4 % çoxdur.
Ölkədə problemli kreditlərin məbləği ilin əvvəlinə nisbətən 3,6 % artıb, son 1 ildə isə 8,3 % azalıb.
Avqustun 1-nə vaxtı keçmiş kreditlərin ümumi kredit portfelində xüsusi çəkisi 1,7 % təşkil edib. Bu nisbət iyulun 1-nə də 1,7 %, ilin əvvəlinə 1,8 %, ötən il avqustun 1-nə isə 2,2 % olub.
