Rusiya Prezidentinin İvan və Vladimir adlı iki azyaşlı oğlu var. Onların anası keçmiş gimnast Alina Kabayevadır.
İctimaimedia.az xəbər verir ki, bu barədə “Dosye” araşdırma mərkəzinin hesabatında deyilir.
V.Putinin ilk oğlu İvan 2015-ci ildə, Vladimir isə 2019-cu ildə dünyaya gəlib. Onların fotoşəkilləri ictimaiyyətə açıqdır, lakin jurnalistlər onları etik səbəblərə görə göstərməyiblər. Uşaqlar gizli sənədlər altında yaşayırlar, Federal Mühafizə Xidmətinin əməkdaşları ilə V.Putinlə əlaqəli şəxsi təyyarə və yaxtalarda səyahət edir, ictimai yerlərdə görünmür və prezident iqamətgahlarında qalırlar.
Qeyd edək ki, daha öncə İsveçrənin “SonntagsZeitung” qəzeti V.Putinin 2015 və 2019-cu il təvəllüdlü iki oğlu olduğunu, onlardan birinin İsveçrədə yaşadığını açıqlayıb. A.Kabayevanın ikinci övladını Moskvada isveçrəli həkimin nəzarəti altında dünyaya gətirdiyi də iddia edilib. “Dosye” bu məlumatı təsdiqləyib.
“Dosye”nin araşdırmasına görə, İvan və Vladimir üçün Valdayda xüsusi təlim mərkəzi açılıb. Uşaqlarla repetitorlar işləyirlər və onlar üçün ingilis dili müəllimləri təyin olunub. Şərtlərə görə, müəllimlərin yaşayış yerini tərk etməsi qadağandır.
Pedaqoji kollektiv yalnız ailə köməkçiləri ilə ünsiyyətdədir və uşaqların valideynləri ilə birbaşa əlaqə saxlamır. Bundan əlavə, Alina Kabayevanın qohumu Oksana Fedina oğlanların anası kimi görünərək tərbiyəçilər və dayələrlə ünsiyyət qurur.
Böyük oğul xüsusi qurulmuş konkisürmə meydançasında hokkey oynayır, lakin Alina Kabayeva oyunu ictimaiyyət içində deyil, qeyri-şəffaf şüşənin arxasında izləyir. Eyni zamanda İvanın bədii gimnastika yarışlarında iştirak etdiyi iddia edilir, lakin belə yarışların harada keçirildiyi göstərilmir.
V.Putinin oğulları tətillərdə həmyaşıdları ilə ünsiyyət qurur, bir qayda olaraq bunlar Alina Kabayevanın yaxın ətrafının uşaqlarıdır. Araşdırmada verilən məlumata görə, V.Putinin oğullarının müəllimlərinin maaşları “Moy meditsinkiy tsentr” şirkəti vasitəsilə verilir. 2020-ci ildən bəri ən azı 10 əcnəbi müəllimin həmin şirkətlə müqavilə imzaladığı deyilir.
İddia olunur ki, V.Putinin övladlarının müəllimləri olduğu iddia edilənlər arasında Cənubi Afrika vətəndaşları ilə yanaşı, Britaniya və Yeni Zelandiya vətəndaşları da olub.
Qeyd edək ki, V.Putin heç vaxt oğullarının olduğunu açıq şəkildə etiraf etməyib. Lakin bununla belə, o, dəfələrlə ailəsi ilə ünsiyyət qurduğunu söyləyib. Hətta bu yaxınlarda V.Putin ailəsinin gənc üzvlərinin Çin dilini öyrəndiyini bildirib.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
