Avstraliyada çimərlikdə sahilə çıxan məxluq insanları qorxudub.Bu barədə "Mirror" yazıb. İndi yerli sakinlər bu qalıqların hansı canlıya aid ola biləcəyi ilə maraqlanır.Cem adlı qadının dediyinə görə, o, səhər tezdən çimərlikdə itlərini gəzdirərkən onun teryerləri suyun yanında yatan qəribə bir canlı aşkar ediblər. Avstraliyalı qadın tapıntıya baxmaq üçün yaxınlaşıb, lakin onu tanıya bilməyib. O, bir neçə foto çəkdirib və sosial şəbəkələrdə yayımlayıb və abunəçilərindən onun diqqətini çəkən şeyləri soruşub.“Bu balıq həqiqətən qorxulu görünürdü. Onun boş göz yuvaları nəhəng idi” deyə Cem bildirib.Mütəxəssislər bunun tuna və ya top balığının qalıqları ola biləcəyini irəli sürüblər, lakin onların da dəqiq cavabı yoxdur.
