ABŞ dövlət katibi Antoni Blinken Qəzza zolağında atəşkəs sazişinin 90 %-nin razılaşdırıldığını israr edir.
Teleqraf.com xəbər verir ki, bu barədə o, Haitiyə səfərindən sonra Port-o-Prinsdə keçirdiyi mətbuat konfransında bildirib.
"Biz bunun üzərində işləyirik və hesab edirəm ki, 90 %-i razılaşdırılıb, lakin razılaşdırılmalı olan bir neçə kritik sahə var və bu, razılaşmanın müəyyən aspektlərinin necə həyata keçiriləcəyi ilə bağlıdır", - o deyib. Blinken bu məsələlərin bir neçəsinin, xüsusilə Filadelfiya dəhlizinin, girovların və əsirlərin mübadiləsinin son günlər müzakirə edildiyini açıqlayıb.
Müəllif: Teleqraf.com
