Keyfiyyətli düyü bişirmək hər hansı bir evdar qadın üçün faydalı bir bacarıqdır. Çünki siz bu yeməyi həm əsas, həm də yan yemək kimi təqdim edə bilərsiniz.
Day.Az Lent.az-a istinadən xəbər verir ki, bəzən düyü bişirilərkən bir-birinə yapışıb sıyıq formasına düşür.
Buna görə də, bu yeməyi hazırlamaq üçün maraqlı texnikalar var. Məsələn, niyə bir çox evdar qadın düyü bişirərkən qazanı dəsmal ilə örtür?
Bu, yeməyi xırda və dadlı etmək üçün çox sadə üsuldur. Bu üsul sayəsində artıq maye tavadan çıxacaq, lakin buxar qalacaq. Nəticədə yemək dadlı və zəngin olur. Bu texnikadan italyan risottosu və ya özbək plovu hazırlayarkən də istifadə etmək olar.
Bunun üçün uyğun ölçüdə çay dəsmalını götürün və su qaynadıqdan sonra düyünün üzərinə dəsmalı sərin. Sonda qazanın üstünü qapaq ilə örtün.
