“Vəziyyəti düzgün başa düşmək və işi düzgün təşkil etmək üçün özünüzə kənardan baxmağı bacarmaq lazımdır”.
Musavat.com xəbər verir ki, Ermənistanın “Alternativ layihələr” qrupunun üzvü, politoloq Vahe Ovannisyan erməni cəmiyyətində hökm sürən ab-havanı təsvir edən statusunu bu cümlə ilə başlayıb.
“Rəqiblər, qonşular, potensial müttəfiqlər bizə baxanda nə görürlər? Erməni elitası müharibədən sonrakı yenidənqurmaya yol tapa bilmir. Cəmiyyət dövlətdən tamamilə uzaqlaşdırılıb. Vətəndaşların Ermənistanı tərk etmək istəyi görünməmiş dərəcədə böyükdür.
Cəmiyyətdə əksər hallarda nə vətən, nə də övladları üçün itki hissi var. Dövləti itirmək ehtimalı getdikcə “yeni normala” çevrilir. Böyük maliyyə vəsaitlərinin sahibləri ailələri üçün Ermənistandan kənarda “ehtiyat vətənlər” qurub.
Cəmiyyət təhlükəsizlik hissini itirib, dövlətin itirilməsinin real ssenarisini və reallıqdan daha çox vaxt çərçivəsini təsəvvür edə bilmir”, - deyə Ovannisyan qeyd edib.
Musavat.com
