Londonun mərkəzindəki Sent Ceyms Parkında Böyük Britaniya kraliçası II Elizabetin abidəsi ucaldılacaq.
Yeniavaz.com xəbər verir ki, bu barədə Britaniyanın “The Daily Mirror” qəzeti mənbələrə istinadla məlumat yayıb.
II Elizabetin Vestminsterdəki Kraliça Parkındakı heykəli 2026-cı ildə onun yüz illiyi münasibətilə ictimaiyyətə açılacaq. Heykəlin yaradılması üzərində onun keçmiş şəxsi katibi Lord Robin Janvrinin rəhbərlik etdiyi xüsusi komitə işləyib.
Sent Ceyms Parkı tacqoyma və yubiley mərasimlərindən tutmuş bayrağın qaldırılması və keşikçilərin dəyişdirilməsi mərasimlərinə qədər bir sıra kral mərasimlərinə ev sahibliyi etməsi ilə məşhurdur. Parkda həmçinin ölkənin bir çox hörmətli kral və hərbçilərinin abidələri var.
Kraliça II Elizabetin abidəsi Kraliça Viktoriyanın Bukinqem Sarayının qarşısında yerləşən nəhəng heykəlinin yanında yerləşəcək.
Qəzet abidə ilə bağlı elanın bu həftə sonu veriləcəyini gözləyir.