Paytaxtın Mikayıl Müşfiq küçəsində velosiped zolağı ilə avtobus dayanacağının yanaşı olması təhlükəli vəziyyət yaradır.
Baku TV-nin hazırladığı süjetdə qeyd olunub ki, bu avtobusa minən və düşən sərnişinləri velosipedçilərin vurması ilə nəticələnə bilər.
Nəqliyyat eksperti Elməddin Muradlı məsələ ilə bağlı deyib ki, avtobusların yolun hərəkət hissəsində dayanması təhlükəlidir:
"Velosiped zolağında həm də skuter, moped sürücüləri hərəkət edirlər. Bu baxımdan avtobusların sərnişinləri yolun hərəkət hissəsində mindirib-düşürməsi düzgün deyil".
