Sentyabrın ilk həftəsində İranda 178 Denge qızdırması halı qeydə alınıb.
Redaktor.az xəbər verir ki, bu barədə "Azad İran" "Telegram" kanalı məlumat verib.
İran Səhiyyə Nazirliyinin Yoluxucu Xəstəliklərlə Mübarizə Mərkəzinin rəhbəri Şəhnam Ərşi iddia edib ki, xəstəliyə yoluxanlar ölkənin yalnız bir hissəsində yaşayanlardır.
Onun sözlərinə görə, diaqnoz qoyulan şəxslərin bir çoxu xaricə səyahət edənlər olub. Ərşi qeyd edib ki, qızdırmadan indiyədək bir nəfər ölüb.
