İtaliyanın Baş naziri Ciorcia Meloni Beynəlxalq Çernobbio Forumu çərçivəsində Ukrayna Prezidenti Volodimir Zelenski ilə görüşüb.
Senzor.az bildirir ki, Ciorcia Meloni İtaliyanın G7-yə sədrliyinin gündəmində Ukraynaya dəstəyin əsas yer tutduğunu, ölkəsinin rəsmi Kiyevin müdafiəsi, ədalətli və davamlı sülhün əldə olunması ilə bağlı öhdəliyini yeniləyib.
2025-ci ildə İtaliyada Ukraynanın bərpasına dair növbəti konfransın keçiriləcəyi, yenidənqurma proseslərinə xüsusi diqqət yetirməyin vacibliyi qeyd olunub.
İki lider mülki əhaliyə və mühüm infrastruktura qarşı davamlı hücumlar fonunda mövcud vəziyyətlə bağlı son hadisələri, eyni zamanda, qış aylarında Ukraynanın ən təcili ehtiyaclarını müzakirə ediblər.
