Samux rayonunda ölümlə nəticələnən avtomobil qəzası olub.
"Report"un Qərb bürosunun məlumatına görə, "Hyundai" və "Lada-21015" markalı avtomobillərin toqquşması nəticəsində 1945-ci il təvəllüdlü Gilə Məmmədova dünyasını dəyişib.
Qəza nəticəsində 1948-ci il təvəllüdlü E.Əhmədov xəsarət alıb və Gəncə şəhər Abbas Səhhət adına 1 saylı Xəstəxananın reanimasiya şöbəsinə yerləşdirilib.
Faktla bağlı cinayət işi açılıb, araşdırma aparılır.
