İsraillilər hakimiyyətdən 11 aydır Qəzza zolağında saxlanılan girovların tezliklə azad edilməsini, Baş nazir Benyamin Netanyahunun istefasını və İsraildə erkən seçkilərin keçirilməsini tələb edərək, yenidən ölkə boyu kütləvi nümayişlərə başlayıblar.
Senzor.az yerli KİV-ə istinadən bildirir ki, ən böyük etiraz aksiyası Təl-Əvivdə hökumət binasının ərazisində keçirilir.
Nümayişçilər əllərində İsrail bayraqları və girovların fotoşəkillərini tutaraq, İsrail hakimiyyətindən girovların azad edilməsi üçün Qəzza zolağında HƏMAS hərəkatı ilə dərhal razılığa gəlməyi tələb edirlər.
İsrail hakimiyyətinin məlumatına görə, HƏMAS-ın əlində hazırda 62 girov və əvvəllər girov götürülmüş 39 nəfərin cəsədi var.
