Ölkəyə quru sərhəd keçidlərinin istismarına cavabdeh olan İsrail Hava Limanları İdarəsinə görə, İsrail İordaniya ilə hər üç sərhəd keçidini növbəti xəbərdarlığa qədər bağlayıb.
“İsrail hakimiyyəti ölkənin şimalındakı Beyt Şin şəhəri yaxınlığındakı İordaniya nəzarət-buraxılış məntəqəsini, Allenbi körpüsünü, eləcə də cənubda Eylat şəhəri yaxınlığındakı Rabin sərhəd-keçid məntəqəsini bağlayıb”, – deyə məlumatda bildirilir.
Vətəninfo.az xəbər verir ki, bu tədbirin bazar günü səhər saatlarında Allenbi körpüsündə 3 israillinin həlak olduğu terror aktından sonra görüldüyü bildirilir.
