AZ
Mövzular
Digər
09.09.2024 ◦ 10:37

İranın paytaxtı dəyişir?

İran Prezidenti Məsud Pezeşkian paytaxtın artan ekoloji və infrastruktur problemlərini əsas gətirərək, İranın siyasi və iqtisadi mərkəzini Tehrandan köçürməyə çağırıb.   Manset.az bu barədə xarici mediaya istinadən xəbər verir. İyulda vəzifəyə başlayan Pezeşkian şəhərin üzləşdiyi çoxsaylı çətinliklərə görə Tehranı inkişaf etdirməyin mənasız olduğu fikrini irəli sürüb “Ölkənin paytaxtı Tehran bizim həll edə bilmədiyimiz problemlərlə üz-üzədir. Bu səbəbdən ən yaxşı çıxış yolu ölkənin siyasi və iqtisadi mərkəzini köçürmək olacaq. Yeni paytaxt mərkəzi seçildikdən sonra bütün dövlət qurumları ora köçürüləcək, bundan sonra Tehran sakinlərinə də yeni paytaxta köçmək imkanı veriləcək",- Pezeşkian bildirib. Pezeşkianın şərhləri, təxminən 12 milyon insanın yaşadığı və havanın çirklənməsi, su çatışmazlığı və torpaq çökməsi ilə mübarizə aparan İranın paytaxtının gələcəyi ilə bağlı uzun müddətdir davam edən müzakirələri yenidən alovlandırıb. Xatırladaq ki, oxşar təkliflər 2005-2013-cü illər arasında prezident Mahmud Əhmədinejadın dövründə də irəli sürülüb. Həmin vaxt parlament yeni paytaxtın seçimi üçün xüsusi şuranın yaradılmasına səs verib. Lakin paytaxtın köçürülməsi ilə bağlı yekun qərar heç vaxt qəbul edilməyib.     Fidan Əliyeva

Manşet.az

Seçilən
82
10
manset.az

10Mənbələr