Təbii fəlakətlər və turist axını Yaponiyada düyü böhranına səbəb olub. Bazar rəfləri kifayət qədər ehtiyat olmadığı üçün boş qaldı.
"Cebheinfo.az" xəbər verir ki, əsas qida kimi düyü istehlak edilən Yaponiyada ərzaq böhranı baş verib.
Keçən ay ölkəni vuran 7,1 bal gücündə zəlzələ və “Şanşan” qasırğasından sonra meydana gələn birja tendensiyası və turist partlayışının gətirdiyi əlavə istehlak və bunun mənfi təsiri nəticəsində ölkədə düyü tapmaq çətinləşib.
Bir çox marketdə düyü rəfləri boş qalarkən, piştaxtalara “Təchizat çatışmazlığı səbəbindən düyü satışı həyata keçirilə bilməz” xəbərdarlığı asılıb. Bəzi bazarlar hər müştəriyə görə düyü üçün satış limiti qoyub.
Yaponiyada özəl sektorun əlində olan düyü ehtiyatı iyun ayında 1,56 milyon tona düşüb ki, bu da 1999-cu ildə bu sahədə məlumatların toplanmasının başlanmasından bəri ən aşağı səviyyədir. Hər il orta hesabla 100 min ton azalan düyü tələbatı əvvəlki ilə nisbətən 110 min ton artaraq 2024-cü ilin iyun ayına qədər olan 1 illik dövrdə 7,02 milyon tona çatıb. Düyü tələbinin artmasının səbəbləri arasında istehlakı artıran rekord sayda xarici ziyarətçi və iqlim şəraiti ilə əlaqədar təklifin azalması göstərilib.
