30 sentyabr saat 19:00-da Beynəlxalq Muğam Mərkəzi, Azərbaycan Milli Konservatoriyası və Fikrət Əmirov adına Gəncə Dövlət Filarmoniyasının birgə təşkilatçılığı ilə "Bakıdan Gəncəyə" layihəsi çərçivəsində Xalq artisti, tarzən Malik Mansurovun rəhbərliyi ilə "Naz-Nazı" muğam qrupunun konserti baş tutacaq.
Konsertdə "İz" və "Yari-pünhan kompozisiyaları, xalq mahnıları "Xumar oldum" və "Dağların başı", "Gül dəstəsi" xalq rəqsi, "Qarabağ şikəstəsi", "Çahargah dəramədi" səsləndiriləcək.
Biletləri Filarmoniyanın kassasından, həmçinin https://iticket.az/events/concerts/from-baku-to-ganja-naz-nazi/127515 saytından əldə etmək mümkündür.
İnformasiya dəstəyi - Trend.Az, Day.Az, Milli.Az, Azernews.az
