“Apple” payız təqdimatında “iPhone 16” smartfonlarını təqdim edib.
Yeniavaz.com xəbər verir ki, yeni smartfon “Apple Intelligence” süni intellekti ilə təchiz olunub. O, xüsusilə “Siri” səs köməkçisi ilə daha rahat ünsiyyət üçün istifadə olunacaq. Məsələn, ondan dostlarına xüsusi fotoşəkillər göndərməyi xahiş etmək olar. “Siri” həmçinin sizə TV şouları və musiqi tövsiyələri haqqında xatırlatmaq üçün mesajlardan məlumat çıxara biləcak.
Bundan əlavə, yeni “iPhone 16” istifadəçilərə ətrafdakı əşyalar haqqında məlumat əldə etməyə imkan verəcək - sadəcə olaraq kameranı onlara yönəldərək.
“iPhone 16”nın ekran diaqonalı 6,1 düym, “Plus” modeli isə 6,7 düymdür. “iPhone 16” əvvəlki modelin prosessorundan 30% sürətli üç nanometrlik prosessorlu yeni A18 çipinə sahib olacaq. Yeni “iPhone 16” 799 dollardan, “iPhone 16 Plus” isə 899 dollardan başlayacaq.
“Apple” həmçinin “iPhone 16 Pro” xəttini də elan etdi. Onların əvvəlki versiyalardan daha böyük ekranları olacaq: “iPhone 16 Pro” üçün 6,3 düym və “Pro Max” üçün 6,9 düym. Onlar dörd rəngdə olacaq: qara, ağ, təbii və yeni “səhra titanı”. “iPhone 16 Pro” 999 dollardan, “Pro Max” 1199 dollardan başlayacaq. Smartfon satışının başlanması sentyabrın 20-nə planlaşdırılıb.