Azərbaycanlı futbolçu Sadiq Bagiev Rusiyada klubunu dəyişib.
Futbolpress.az xəbər verir ki, 20 yaşlı yarımümdafiəçi “Kuban Holdinq”dən “SKA-Xabarovsk”a keçib. Bu barədə klubun mətbuat xidməti məlumat yayıb. Sadiq ilə 3 illik müqavilə imzalanıb.
Bagiev 2022-ci ildə Azərbaycanın U-19 yığmasına dəvət olunub və iki yoxlama matçında meydana çıxıb.
“SKA-Xabarovsk” Rusiyanın I Liqasında mübarizə aparır və 9 turdan sonra 8 xalla 18 komanda arasında 16-cıdır.
