Böyük Britaniyanın bəzi bölgələrində gecə meteoroloqların proqnozuna əsasən qütb işıqları müşahidə edilib.
ILK.AZ Azərtac-a istinadən xəbər verir ki, “aurora borealis” olaraq da tanınan bu işıqlar Şotlandiya, Şimali İrlandiya və hətta İngiltərənin Sasseks bölgəsinin cənub sahillərində gecə saatlarından səmada görünüb.
Qeyd edək ki, avqust ayının ortalarında qütb işıqları hətta Britaniyanın cənubundaki Kornuol bölgəsində də müşahidə olunmuşdu. May ayında isə Böyük Britaniya və dünyanın bir çox bölgələrində bu işıqlar daha aydın şəkildə müşahidə edilmişdi.
Aytən Abbaslı
AZƏRTAC-ın xüsusi müxbiri
London
Mənbə: AZƏRTAC
