Moldovanın Energetika Nazirliyi "Qazprom"la tarixi borc məsələsi ilə bağlı danışıqlarda dalana dirəndiyini elan edib...
Poliqon xəbər verir ki, bu barədə "RİA Novosti" Agentliyi məlumat yayıb.
Nəşrin məlumatına görə, Rusiya şirkəti 700 milyon dollardan çox ödəmə tələb edir, Kişinyov isə cəmi 9 milyon dollar borcunu tanımağa hazırdır. Moldova tərəfi 1991-ci ildən 2021-ci ilə qədər olan dövr üçün auditin aparılmasında israrlıdır.
Moldovanın energetika naziri Viktor Parlikov qeyd edib ki, "Qazprom" Kişinyovun təkliflərini müzakirənin gündəliyinə daxil etməyib: "İndi bu məsələdə heç bir irəliləyiş, dialoq yoxdur".
Mübahisələrə baxmayaraq, Moldovaya qaz nəqli davam edir. Hər gün Dnestryanı üçün nəzərdə tutulan 5,7 milyon kubmetr yanacaq ölkəyə daxil olur. Tiraspol qazı elektrik enerjisinə dəyişdirir, Kişinyov isə çatışmayan həcmləri spot bazardan alır.
Milli Enerji Təhlükəsizliyi Fondunun rəhbərinin müavini Aleksey Qrivaç Moldova hökumətinin hərəkətlərini düzgün hesab edir. Onun sözlərinə görə, borcun auditi pozuntularla aparılıb və "Qazprom" bunu qəbul etməyib.
Moldova hakimiyyəti Ukrayna ərazisindən tranzit dayandırılacağı təqdirdə qaz nəqli üçün alternativ yollar nəzərdən keçirir. Parlikov "Türk axını" və Trans-Balkan marşrutundan istifadənin mümkünlüyünü qeyd edib.
Avqustun sonunda Macarıstanın xarici işlər naziri Peter Siyarto Ukraynanın "Drujba" neft kəməri ilə Rusiya neftinin tranzitinin dayandırılması ilə bağlı bəyanatlarını ziddiyyətli adlandırıb. O vurğulayıb ki, Macarıstan rəsmi siqnallar almağa davam edir ki, Kiyev öz öhdəliklərini yerinə yetirir.
Poliqon.info
