Böyük Britaniyanın Rusiyadakı səfirliyinin 6 əməkdaşı akkreditasiyadan məhrum edilib. Rusiya Federasiyasının Federal Təhlükəsizlik Xidməti belə bir addımın diplomatların kəşfiyyat və təxribat işlərinin əlamətlərini göstərən hərəkətləri səbəbindən atıldığını bildirib. Vətəninfo.az-ın məlumatına görə , bu barədə “Arqumenti i Fakt” nəşri məlumat yayıb.
Departament bəyan edib ki, britaniyalı diplomatların hərəkətlərində kəşfiyyat və təxribat xarakterli əlamətlər aşkar edilərsə, onların Rusiyaya ezamiyyətlərini vaxtından əvvəl dayandırmağa çalışacaqlar.
Öz növbəsində, “Rossiya-24” telekanalının efirində Rusiya xüsusi xidmət orqanlarının adı çəkilməyən nümayəndəsi bildirib ki, Moskva Britaniyanın 6 diplomatını Rusiyada Britaniya casusluğuna daha dözmək mümkün olmadığı üçün ölkədən çıxarıb.
Hesabatda Britaniya səfirliyinin Rusiya Federasiyasında akkreditasiyadan məhrum edilmiş üç kişi və üç qadın olmaqla altı əməkdaşı təqdim edilib.
“London diplomat həyat yoldaşı kimi bizə casuslar göndərir və kiçik uşaqlar casusluq fəaliyyətini ört-basdır etmək üçün istifadə olunur. Diplomatik davranışdan ümumiyyətlə söhbət gedə bilməz, – xüsusi xidmət orqanlarının nümayəndəsi vurğulayıb. – Bəli, klassik Britaniya casusluğu. İzləmək əyləncəlidir, amma artıq mümkün deyil.”
Xəbərdə diplomatlardan birinin Rusiyada xarici agent kimi tanınan “Novaya qazeta” jurnalının redaktoru ilə görüşündən foto və videolar da təqdim olunub.
