Finlandiya restoran biznesində 2024-cü ilin ilk səkkiz ayında qeydə alınmış iflasların rekord sayda olduğu bildirilir. Yayımlanan məlumatlara görə, bu dövrdə ölkədə 691 restoran bağlanıb, bu isə keçən ilin müvafiq dövrünə nisbətən 80% artımı ifadə edir.
MaRa otelçilik və restoran biznesi assosiasiyasının rəhbəri Timo Lappi bu tendensiyanın ilin sonuna qədər davam edəcəyini vurğulayıb. Onun sözlərinə görə, restoran biznesi hələ də iqtisadi çətinliklərin ən dərin nöqtəsinə çatmayıb.
Fins.az xəbər verir ki, Pandemiya və Ukrayna böhranı ilə yanaşı, əhalinin alıcılıq qabiliyyətinin azalması da vəziyyəti daha da ağırlaşdırıb. Bu hallar restoranların maliyyə vəziyyətini çətinləşdirib və bağlanmalara səbəb olub.
